2018 çулхи чÿк уйăхĕн 15-мĕшĕнче  Чăваш Республикин вĕренÿ тата çамрăксен политикин министерстви тата  Чăваш Республикин вĕренÿ институчĕ   чăваш чĕлхипе, литературипе тата культурипе «Пĕтĕм чăваш ачисен интернет олимпиади» ирттерчĕç. Олимпиадăна Чăваш Республикин тата тулайăн вĕренÿ организацийĕсенче  5-7 классенче вĕренекен 921 ача хутшăнчĕ (вĕсенчен 132-шĕ республика тулашĕнчен – Пушкăрт тата Тутар республикисенчен тата Ульяновск облаçĕнчен).

Олимпиада икĕ номинаципе иртрĕ:

- чăваш шкулĕнче вĕренекенсем  (5, 6, 7 классем – кашни класпа уйрăммăн) – пурĕ 440 ача хутшăнчĕ;

- вырăс шкулĕнче вĕренекенсем  (5, 6, 7 классем – кашни класпа уйрăммăн) – олимпиада ĕçĕсене пурĕ 481 вĕренекен турĕ.

Пĕтĕм чăваш ачисен интернет олимпиадин ыйтăвĕсене ачасен çурри (50%) ытла пайĕ аван хуравларĕ. Олимпиада ыйтăвĕсене 60 минут хушшинче on-line йĕркипе хуравласа ярса памалла пулнă. Пирĕн шкулти 7 класра вĕренекен Волкова Л. 66/90, Ефимов Д. - 66/90,  Чистяков Р. 69/90  пухса призерсем пулса тăчĕç. Çав ятпа вĕсене саламлатпăр! Малашне те хастар пулма сĕнетпĕр.