Шкул ачисен чăваш чĕлхипе литературине, культурине вĕренес кăмăлне çĕклес, интернет технологийĕсемпе вĕренÿре усă курас хăнăхăва малалла аталантарас тĕллевпе Чăваш Республикин вĕренÿ тата çамрăксен политикин министерстви тата вĕренÿ институчĕ 2016 çулхи раштав уйăхĕн 9-мĕшĕнче Пĕтĕм чăваш ачисен интернет олимпиадине ирттерчĕç.

       Интернет олимпиадăна Чăваш Республикинче тата республика тулашĕнче 7-9 классенче вĕренекен 831 ача хутшăнчĕ. Тутар, Пушкăрт республикисенчен, Ульяновск, Самара облаçĕсенчен 112 ача пулчĕ.

      Кăçал интернет олимпиада вырăс шкулĕнче вĕренекенсем валли раштав уйăхĕн 9-мĕшĕнче 12 сехет те 30 минутран пуçласа 13 сехет те 30 минутчен, чăваш шкулĕнче вĕренекенсем валли 13 сехет те 30 минутран пуçласа 14 сехет те 30 минутчен онлайн мелĕпе иртрĕ. Чĕлхе, литература, культура тата тăван ен историпе çыхăннă ыйтусене чăваш шкулĕнчи 330 тата вырăс шкулĕнчи 501 ача хуравларĕ.

      Кăшавăш вăтам шкулĕнчи 9 класра вĕренекен Юля Чистякова 83 балл пухса призёрсен шутĕнчи иккĕмĕш позицие кĕме пултарчĕ. Çав ятпа Юльăна тата вĕрентекенне Е.А.Майкова эпир саламлатпăр, ытти ăмăртусенче те çĕнтерме ăнăçу сунатпăр.