2012 çулхи чÿк уйăхĕн 7-мĕшĕнче ирттернĕ чăваш чĕлхипе литератури вĕрентекенсем хушшинче «Тăван чĕлхепе литература вăрттăнлăхĕсем» республика Интернет олимпиада результачĕсем паллă. Унта пĕтĕмпе 168 учитель хутшăннă, вĕсенчен 9-ăшĕ республика тулашĕнчи  чăваш шкулĕсенчен. Конкурса Чăваш Республикин вĕренÿ институчĕн чăваш филологийĕпе этнокультура вĕренĕвĕн кафедрипе лабораторийĕ ертсе пынă. Учительсем чăваш чĕлхипе тата литературипе 20 ыйтăва хуравланă. Ыйтусем çăмăлах мар. Апла пулин те пирĕн шкул вĕрентекенĕ Евгений Александрович Майков 35 балл пухса иккĕмĕш вырăн йышăнма пултарчĕ. Ăна çав ятпа саламлатпăр, малалла та ăнăçусем сунатпăр.