Чÿк уйăхĕн  9-мĕшĕнче Кăшавăшри пĕтĕмĕшле пĕлÿ паракан вăтам шкулти 9 тата 10 классенче вĕренекенсем Е.А.Майков  вĕрентекенпе пĕрле Шупашкарти К.В.Иванов ячĕллĕ Чăваш академи драма театрĕнче Ф.Павловăн «Ялта» спектакльне кайса курчĕç. Пултаруллă çыравçă драмăра ĕлĕкхи чăваш ялĕнче пулса иртекен ĕç-пулăма ĕнентерÿллĕ сăнласа кăтартнă. Театр артисчĕсем ăста выляни, пуян бутафори, çутă эффекчĕсем вăйлă пулни вĕренекенсен асĕнче нумайлăха юлчĕ, спектакль пурин кăмăлне те кайрĕ.