Театр хăйĕн  чаршавне çĕнĕ сезонра куракансем валли уçнăранпа вăхăт нумаях иртмерĕ. Пирĕн шкул вĕренекенĕсем чăваш литература урокне К.В.Иванов ячĕллĕ чăваш академи драма театрĕнче ирттерчĕç. Вĕсем Г.Рябкинăн „Ку хĕр ачара темĕн пурах...” икĕ пайлă лирикăллă камит премьерине кайса курчĕç, артистсен ăста вылявне курса савăнчĕç, сцена çинчи пурнăçпа „пурăнчĕç”. Шухăшламалли, вĕрентекенпе сÿтсе явмалли  чылай пулчĕ.